Profesa Jay aielezea jinsi ilivyo video ya 'Kipi Sijasikia' na atakavyoiachia

Pichani: Profesa Jay na Lil Ommy wa 100.5 Times Fm

Mashabiki wa Profesa Jay hivi karibuni wameshuhudia kionjo cha video ya wimbo wake ‘Kipi Sijasikia’ aliomshirikisha Diamond Platinumz na hivi sasa wanaisubiri kwa hamu video nzima iliyoongozwa na Adam Juma wa Visual Lab.

Rapper huyo mkongwe ameiambia Bongo Dot Home ya 100.5 Times Fm kuwa tayari ameshakabidhiwa video hiyo na kwamba ni video kubwa na nzuri.

“Nimeshakabithiwa video ya Kipi Sijasikia na nimepata time ya kuiangalia na Diamond Platinum. Ilibidi nimshirikishe muda wote kwa sababu yeye ni mmoja kati ya waliofanya wimbo uwe wimbo… kusema kweli ni bonge la video. Ile kiu ya watanzania na Afrika Mashariki kupata video bora kabisa kwa kipindi hiki imewadia na kwa kweli kiu yao tunaikata.” Amesema Profesa Jay.

Akizungumzia kuhusu mpango wa kuiachia rasmi, Profesa amesema kuwa hivi sasa wanamalizia shows kadhaa katika ziara za Kili na baadae watapanga uzinduzi rasmi utakaowahusisha watu mablimbali.

“Tunataka tuiache wikendi hii ipite lakini nadhani by next week mashabiki wetu watajua lini tunaiachia na wapi itafanyika premier ya wimbo huo kwa sababu tunataka tuwaite watu tofauti tofatu kwa sababu ule ni wimbo wa watanzania. Sio wimbo wa Profesa Jay pekee…Kusema ukweli ni video ambayo itakuja kuleta mapinduzi katika industry yetu na vitu kama hivyo.”